قالو علينا مجانين

دخلناه عشان نعيش مرتاحين , وقبل ما نخرج منه قالوا علينا (مجانين)


قسم علم النفس


حبيييييييييييييييييييييبى


كان لا يمكن أشتكى منه , ولا فى يوم أبعد عنه , بس صارت من أهم عيوبى هى دراسته


درسناه لأنه بيفسر سلوك الإنسان , وبيخاللينا نتحكم فيه ليكون أحسن مما كان


وجوا الكتب السيكولوجية , دروس مرة صعبة , إيشى دوافع وانفعالات , أمراض نفسية وصراعات , تحليل نفسى وكمان فسيولوجى , ونظريات....


والطبيعى لأى علم والنتيجة المترتبة على دراسته واللى المفروض تحقق غايته , لا بد تكون القياس , فكان لازم نطبقه ع اللى حوالينا من الناس...

أختى الأكبر ..كل عيوبها صارت عيوبى , مرة تقول عنى غبية وفاشلة , ومرات تقول عنى كئيبة وبميل إلى الخناقات , يؤسفنى إنى أقول عن أختى , انها بتبالغ فى استعمال (الإسقاط) , بتسقط عيوبها عن نفسها وبتنسبها ببساطة ليا , وديه حاجة ما تحتملش سكات , ديه يا أختى آخرها العباسية , وعجبى ع اللى قالوه عليّا....

صاحبتى رسبت فى سنة تانية كلية , وراح تعيد السنة على تلات مواد , ومن يومها ما بسمع منها , غير إن الفاشلين بقوا أجدع ناس , الهانم فرحانة بخيبتها , وقال ايه كل اللى مفرحها , إنها بتتمتحن تلات مواد , إنما أنا حظى سيىء لأنى بمتحن سته , قلتلها يا بنتى فوقى لنفسك , انتى بتستخدمي حيل دفاعية بكثرة , و(التبرير) حيلة منها , بتشوهى الهدف الجيد , وبحجة تبدو معقولة , بس ما تعرفيش انك بكده ممكن تإذى نفسك , وتخشى العباسية مجبورة , وعجبى ع اللى قالوه عليا..


لما درسنا شوية أمراض , اكتئاب , خوف مرضى , وسواس قهرى , وفصام , كانت أعراضهم متظبطة عليّا , خفت على نفسى وبديت العلاج , ألا ليدخلونى العباسية , وعجبى ع اللى قالوه عليّا...

طلع من العلبة فجأة فيل , قصدى طلع من القسم دكتور , كتب موضوع طويل عريض , بيقول علينا كلام رهيب , قال ايه.. طلاب القسم بيعانوا من (التخيّلات) كل حاجة بيدرسوها , على الناس بيطبقوها , والأمراض النفسية , بيتهيألهم انهم بيعانوها ...وعجبى منك يالدكتور...


أسقط عن نفسه الخيال المريض , و نسبه لينا, شوفوا التخريب , هقول ايه أكتر من اللى قاله , شاعر ولهان يخالليله عياله , وكأنه عارف باللى فينا...


يعيب فينا والعيب فيه وما فى القسم عيب سواه