لعنه الحب الاول

الحب الاول يعنى تمسك الدنيا باديك
يعنى تتوة فى صوت عبد الحليم
وتنام جنب ام كلثوم
وتعيط مع فيروز وهيا بتقول اهواك بلا امل
وتطير من الفرحة مع منير ومنيب
جميل اوى الحب الاول واللى ما عاشهوش يبقى بكل صراحة ما عاشش كل ة كويس وجميل فى حالة واحدة لو استمرت الحكاية كدة حب وفرح وعياط ومصالحة وبيعيش كتير وبيتحول لقصص جميلة اوى ودى شوفناها اكيد فى اهالينا او قرايبنا
بس لو انتهى الحب دة لظروف ما يعنى اضطر او قرر احد الطرفين انة يسيب التانى اية اللى بيحصل
هنا بتبدا لعنى الحب الاول فى انك ازاى بعد ما جربت الاحساس الجميل دة ختعرف تعيش تانى من غيرة
مش كدة وبس انت بتتحول لطفل صغير بيستعيد اكتشاف الاشياء يعنى مثلاالمكان دة غالى اوى عندك عشان كان ليك ذكرى حلوة فية مع فلان
المطلوب منك انك تتعامل مع المكان دة عادى لان ما عدتش فى فلان
مثلا انا بحب فصل الصيف عشان بشوف فية شخص ما اكتر من الفصول التانية زمان كان لما حد يسالنى انت بتحبى فصل اية من غير تردد الصيف لية بضحك واقول كدة
دلوقتى حسيت بحيرة كبيرة لما سالنى شخص بتبى فصل الصيف لية وما عرفتش اقول اية
واحد اعرفة كان حبة الاول لعيون خضر فضل بعدها ب4 سنين يرتعش كل ما يشوف عيون خض

ماشى فرضا انك عديت المرحلة دى وقدرت تتخلص من الارتباط المدمى بتفاصيل الاخر
وانك بدات تعيش حياتك فى مشكلة تانية للاسف اخطر انك مرتبط بصورة ما متحددة فى دماغك عصب عنك ومن غير ما تحس هتدور فى اى حد يقبلك عن حبك الاول دة هتلاقيك حتى بتدور على عيوبة مثلا كان بيتكلم كتير والشخص اللى انت قابلتة كلا مة قليل هتلاقيك بتقول اية دة هو لية مش بيتكلم وعصب عنك تفتكر ازاى كان فلان بيتكلم كتير وازاى كانت دى حاجة بتضايقك وتقول يا ريت دة يتكلم زية
او اية دة دا مش بيقرا زى فلان كان بيقرا الحجات الىى انا بقراها
او هوا لية كذا او كذا او كذا
ومش كدة او كدة او كدة
فى ناس بتعدى كل دة بسلام وبتكمل حياتها عادى وبتحب وتتجوز وتخلف بس دايما بيفضل فى جزء ولو صغير اوى من اساسهم بيقول لو كنت عشت مع فلان كان ممكن تكون حياتى عاملة ازاى
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟